Baiturrahman

Baiturrahman teumpat yang suci
Teumpat yang asri di teungoeh kuta
So-so yang kalon teupikat hati
Meuheut singgahi rumoeh Rabbana

Baiturrahman teumpat yang suci

Teumpat meungabdi sigeunap hamba
Bak saboh masa teuka tsunami
Allah lindungi reuloh jih hana

Baiturrahman teumpat yang suci

Teumpat islami ceudah lagoina
Beuntuk bangunan seni jih tinggi
Ciri khas asli Aceh mulia

Baiturrahman teumpat yang suci

Teumpat yang asri jak meu wisata
Chik ngoen putik muda ngoen mudi
Sare meuriti keunan cok gamba

Baiturrahman teumpat yang suci

Teumpat meungaji ilmee agama
Teumpat meu lakee insan bak Rabbi
Mudah raseuki beu ampoen desya

Baiturrahman teumpat yang suci

Teumpat adek ti peuleumah gaya
Deungoen busana merek luweu li
Lam rumoeh Rabbi meu puta-puta

Baiturrahman teumpat yang suci

Bek ubah fungsi mudi ngoen muda
Karna teumpat nyan sunggoeh that suci
Bek sampe ukhti aurat tabuka

Baiturrahman teumpat yang suci

Teumpat ta puji Allah yang Esa
Maka disinan hanjeut meulani
Hanjeut promosi aurat jak buka

Baiturrahman teumpat yang suci
Teumpat beukali amai keu syurga
Ohno mumada haba lon rawi
Haba aseuli pandangan mata.