Bak Tanggai Lhee Ploeh Juni

Bak tanggai lhee ploeh di buleun Juni

Bak dini hari ulon teupana

Nibak uro nyan kisah terjadi

Cukoep gura hi lon kalon rupa

Fesbuk lon buka lam hawa leupi

Mata lon teu bli leumpah that gura

Ramee that rakan seulamat geubri

Sare meuriti peunoh beuranda

Lon pike-pike pakon begini

Rupajih hari ultah ka teuka

Hana teu ingat diri lon ini

Maklum hai dek ti teungoeh meurana

Lon keuneuk balah kiriman akhi

Kiriman ukhti meunan cit sama

Watee lon kalon resah that hati

Han terpenuhi lagee ban cita

Saboh lon balah limoeng meuganti

Hana pu taci walau pih teuga

Jaro lon kuweut hana nyum sang hi

Teugon tombol “i” teubit huruf “a”

Lon kalon jempol pih ka ciep that hi

Lon pakek gaki hana got kada

'Oeh han lon balah hana mangat hi

Sombong that-that hi meunan troek haba

Padahai ulon ka ula-ili

Saboh glah kupi teumee jep hana

Pulom 'oeh ta eu kiriman akhi

Leumpah gura hi bak peugot haba

Ladoem meudoa beu lindoeng Rabbi

Ladoem yu cari si aneuk dara

Yang ladoem peugah bek le sendiri

Ladoem geuyu ci ngoen inoeng janda

Watee lon pike singke lam hati

Dak jeut ngoen burti lon ci geulawa

Alah lon pike rakan boh hati

Lon anggap seni bak susoen kata

Geulanto takhem 'oeh ta eu tivi

Lawak komedi Tukul Arwana

Meunan keuh rakan kisah lon reli

Bak lhee ploeh Juni yang ka lon rasa

Meunyoe na salah meu’ah beu neubri

Diri lon ini hana seungaja

Lon karang pantoen lam watee sepi

Bak malam leupi jamoek meubura

Trimoeng geunaseh mandum lon copy
Keu mandum ummi deungoen abua
Thank you and good bye dariku ini
Dari Junaidy di Amerika.