Mangat

Mangat pisang wak masak bak karang
Mangat pacaran bak oles-oles
Mangat ta meulum bak reuhung yang trang
Mangat nonton bhan ‘ohna si Teves

Mangat meu upat topik beu saban

Dosa bak Tuhan hana pu ta tes
Mangat ‘oh kaya moto na sajan
Teguran rakan sabe that beres

Mangat ‘oh gasin hana so mayang

Taduk bak simpang peureuseh tong es
Mangat ‘oh malem kayem sembahyang
Godaan syetan han ek digonjes

Mangat si bangsat gawat ta pandang

Kayem teulanjang siluweu teu press
Mangat meu pantoen lagee lon tuan
Kirem keu rakan ‘oh lheuh ta proses

Salam’alaikoem ulon ucapkan

Saleum lebaran jino lon neuk tes
Meu’ah dosa lon kadang na irang
Kadang ucapan hana got beres

Kadang na kata atau ucapan

Makna hana can watee ta poles
Meuribee meu’ah ulon sampaikan
Maklum hai rakan baroe ulon tes

Meuheut lon samboeng pantoen lon rancang

Haba keu mayang terapi seutres
Huruf akhiran ta ganto rijang
Bek le ta pajang sinan huruf “S”

Jino ta tuka mangat jeut rambang

Laju ta pasang sinan huruf “i”
Kadang huruf “S” han pah ta pandang
Lidah teuh ceukang saket ngoen gusi

Mangat pisang wak masak bak karang

Mangat boh mancang ta lhap ngoen campli
Mangat bak meulum bak reuhung yang trang
Mangat ta muprang ngoen tank amphibi

Mangat pacaran bak mayang-mayang

Mangat ceumeucang bak hayeuk baci
Mangat meu upat lidah geuransang
Mangat meu bangkang lawan jeut ta bli

Mangat meu-en bhan sabab na gawang

Mangat bak lapang jeut ula-ili
Mangat lebaran meunyoe na cut bang
Keudeh u Sabang jak wet-wet gaki

Adak beurangkat ngoen honda kijang

Sang peurasaan ateuh ce-er-vi
Adek dilikoet teuduk model fang
Model di Shanghai atau Itali

Mangat meuratoeh bek na yang larang

Mangat keumarang bek na yang caci
Mangat yang baca bek meu-en parang
Bek mat-mat pedang ngoen hayeuk baci

'Ehno meumada haba keunarang
Saleum keu rakan bak Idul Fitri
Kadang na dosa yang ka meu labang
Mohon maafkan bak uro suci.